La benedizione di Pasqua - Carpi - Dialetto carpigiano - Mauro D'Orazi

^{La benedisiòun èd Paasqua}

                                              

^{Al préet in primavéera tutt i aan,}

^{primma èd Paasqua, al partiiva piàan pianèin}

^{pèr dèer la benedisiòun ai parochiàan}

^{e al fèeva al giir dal ca di cuntadèin.}

^{Al gniiva in cumpagnìa dal sò sagrestàan}

^{e al gh iiva al ṡabariòot, un parulèin}

^{piin d aquasaanta, un piccol pnèel in maan}

^{pèr sprichèer la d atóorna e di santèin.}

^{Al benediiva i putèin, i ṡóoven, i nòon,}

^{la campaagna, al pulèer, la staala e i ciùuṡ}

^{e intàant ch l andèeva al dgiiva agl’urasiòun,}

^{in tutt’èl caambri e dèinter a tutt i buuṡ.}

^{Al reṡdóor l armagniiva ind un cantòun}

^{cun al capèel in maan e un pòoch confùuṡ.}

^{di Bianca Pelloni (maestra Carpi 1990 ca)}